Ginger Farm Kitchen 網上訂座
呢個榮獲必比登推介連續4年（2020~2023）嘅清邁泰北料理品牌相信對於泰國通都唔陌生，佢哋2024年年尾喺centralwOrld都開咗分店，貫徹Farm to Table經營概念，強調無味精、無人工添加，追求食得健康、食物質素穩定嘅話建議一定要嚟！
菜式中有唔少新鮮兼有機嘅食材都係取自合作小戶或自家農場，招牌菜有鹹蛋青木瓜沙律、手工炸蝦餅、炒通心菜與燒肉配三味蘸醬，centralwOrld店更係唯一一間有Thung Thong（炸小雲吞；喺泰國有金錢袋嘅意思）芭菲食嘅分店！所以就算之前於其他分店食過，又或者有其他正餐安排，行街想抖抖時都可以嚟簡單食杯斑蘭 / 芒果 / 椰子雪糕！NAMA Japanese and Seafood Buffet 網上訂座
NAMA被譽為曼谷最Top嘅日式自助餐，佢嘅位置喺centralwOrld正後方嘅曼谷盛泰瀾中央世界商業中心酒店內（Centara Grand At CentralWorld）。呢度食物款式非常多，預約時可以揀定跟咩主餐，譬如話揀A4和牛Set+自選菜式+任食就大約港幣$360/位，揀海膽Set自選菜式+任食就約港幣$624/位，任食Menu除咗有壽司、刺身、燒魚、串燒仲有泰式醃魚生、甲羅燒同燒大頭蝦！如果平時都係日式料理愛好者，又特別鍾意食海鮮嘅話真係不可錯過！Red Sky Bar 網上訂座
講到Centara Grand At CentralWorld酒店，又點可以唔提曼谷最具代表性嘅天台酒吧——Red Sky Bar呢！呢度有360度無死角曼谷城市靚景，招牌大拱形裝飾一到夜晚就會亮燈，打卡嚟講非常有辨識度！如果想再浪漫啲，可以揀去埋樓下Red Sky Restaurant用餐再上嚟Chill~
由於呢間酒吧非常受歡迎，尤其係可以同時欣賞到日夜不同景致嘅傍晚時間，怕去到冇位嘅話建議先預約（只招待20歲或以上人仕）！最低消費為1道菜式配2杯啤酒（約港幣$192/位），另有1道菜配3杯Cocktails、90分鐘任飲無酒精飲品配3道菜、90分鐘任飲啤酒配3道菜俾大家選擇。Cocoa XO 網上訂座
於上面介紹過嘅餐廳/酒吧食完晚飯仲意猶未盡想食甜品？又或者自問係朱古力控，食朱古力甜品係放落第二個胃，食極都唔厭？咁記得要去呢間位於Red Sky Bar樓上嘅高空 x 朱古力 x 干邑白蘭地主題酒吧（只招待20歲或以上人仕）！
在 Instagram 查看這則帖子
呢度被稱為朱古力洞穴，由搵入口到行入去都充滿神秘感！入面嘅吧檯放滿琳瑯滿目嘅朱古力包括Rémy Martin松露黑朱古力、朱古力牛軋糖、杏仁開心果朱古力糖，裡面仲有朱古力雪糕機同朱古力噴泉！難得嚟到，建議大家直接揀任食套餐（約港幣$219/位），包1杯無酒精飲品同進入可可莢！
