喺全球Cafe Hopping熱潮下，唔好話香港，其實連曼谷都愈嚟愈多超級IG-able嘅咖啡店開張！呢邊啲主題仲要非常豐富，治療效能一流嘅森系、Chill爆渡假風、有風情嘅古典風同呢篇會介紹嘅設計感十足Cafe！各位咖啡迷同鍾意打卡嘅朋友，唔收藏甚至直接即刻衝去一兩間點對得住自己！
☕夢幻懸浮樓梯
Flat+White Cafe
呢間Cafe距離車站有少少遠，最近嘅Khlong Tan火車站或Thong Lor車站行過去約要20分鐘步程，但都好多本地人刻意等週末抽時間「盛裝」過去，只因為一個字——靚！純白色牆、木系地板加檯櫈、加埋落地玻璃窗透入嘅陽光，成間店令人覺得感覺乾淨舒服，而且呢度仲有條夢幻懸浮樓梯，想影仙氣相 / 高格調時裝照 / 文青系咖啡相 或其他主題都得！至於呢度嘅嘢食，都係常見嘅斑尼迪蛋、意粉、蛋糕、拉花Latte咁啦~間唔中都會出期間限定款，如果真係冇咩頭緒嘅可以揀人氣款Mel+ple Iced latte、Dirty同忌廉芝士蒜蓉包~
☕超隱世玻璃屋
Anonymous 絕對有資格被稱為隱世，因為呢度附近冇地鐵站亦唔近遊客區，莫講話我哋呢啲觀光客固然係Call Grab~就連當地人都會選擇揸車去，為嘅就係一杯相逢恨晚嘅高質咖啡。雖然從外表睇佢極似花園中嘅小溫室，行入去就會發現呢度唔係森系，而係現代工業風設計！銀色鋼架配上極採光嘅四面玻璃窗，日照下邊個角度都可以影到帶有獨特氛圍嘅環境相~~話雖如此，畢竟呢度係著重飲咖啡體驗嘅地方，座位少而且餐牌上冇主餐冇甜品，如果本身唔係啡迷就要考慮清楚值唔值得專登走入嚟；相對地，如果平時都對咖啡豆產地、烘烤方式同風味有講究嘅，話唔定都會同唔少人一樣喺永搵到心頭好！
☕純白色系新高點
Dash.space
要去除咗員工著黑Tee之外，其他嘢都係一片白嘅Dash Space，記得帶定副黑超啊！因為好多曾經到訪過嘅人都話天氣好時想出拎埋杯咖啡 / 抹茶去影幾張「沙漠上的全白綠洲」，點知日曬+白色 (尤其係影玻璃境嘅位置)呢個組合好刺眼，完全刷新大家對於純白系Cafe嘅標準！
☕有沙有水藝術空間
呢間係極受當地人喜愛的打卡Cafe，驟眼睇佢一樓係金屬風，但真正有特色嘅係將大自然搬入嚟嘅二樓！入面有沙丘有水池仲有棵樹，任揀其中一個位同招牌混凝土朱古力蛋糕 + Tangible Cold Brew合照都一樣咁有質感~~另外由於佢位置同Asiatique河濱夜市唔遠，安排入行程唔會太困難，但大家亦都要留意返呢度間唔中都會同潮牌聯乘，屆時會有期間限定甜品、飲品同特定產品如包包、香水賣，不過呢啲時候就一定會平時多人嚟朝聖，各位做好準備要排排企喇~
☕未完成的作品
唔知大家同唔同意有時一啲未完成嘅作品，比起已經裝飾得美輪美奐嘅殿堂級製作更有神秘感、可以更有效啟發靈感？話說歐洲50-20年代都曾經掀起一陣咁樣嘅建築風格，但今時今日除非係天災人禍，否則好似呢間Cafe咁刻意為之嘅真係相當罕見！未入門已經見到外牆明顯有大大個穿窿位(亦係打卡位)，入面亦有幅似係未砌好嘅牆。不過大家唔使擔心呢度會連大家都關心嘅嘢食嘢飲都整到天一半地一半，事實上呢度以店名為名嘅Unfinished Es-Yen好多人都表示大愛！呢款啡係用泰國咖啡豆Doi Chang煮出嚟嘅Espresso，再混合牛奶然後加鮮奶油喺頂層，搭配埋香口小食Guest Banana，亦即係油炸香蕉堪稱係完美嘅茶點！
☕別有洞天
話唔定大家行Terminal 21/ ICONSIAM時都見過CPS Coffee，但我哋今日要講嘅係呢個品牌於2022年6月先開設、位於Thong Lor嘅旗艦店！佢獨特嘅純白色階梯X圓形隧道門口，即使係迷路黨都唔怕認唔出！喺呢度打完卡穿過隧道後，可以揀返杯特色Dirty (有士多啤梨、朱古力同泰茶味！)搭件邪惡酥點如羊角包、羊角年輪Timber Ring及Cronut等慢慢歎！