Bar Us (第4位)
於2024年排名第21位嘅Bar Us今年成績大躍進，更被Amaro Lucano評為2025泰國最佳酒吧！佢哋嘅賣點係充滿神秘感嘅飲酒室體驗+深受fine dining啟發、嚴選當地農場食材製作嘅Cocktails套餐，酒單分為前菜、主菜、餐後酒到供應至深夜嘅經典雞尾酒，口味由清淡過渡到濃烈再用甜美清爽收尾。
Dry Wave Cocktail Studio (新上榜；第5位)
呢間由著名調酒師Supawit 'Palm' Muttarattana 於2024年創立、主攻改編經典Cocktails嘅酒吧果然不負眾望！佢哋上年已經得到Campari One To Watch Award（最值得關注獎），果然今年就登上第五名嘅寶座仲一舉拎埋2025年BK Magazine舉辦嘅BAD Awards（泰國最佳新酒吧、年度酒吧、年度調酒師）與Disaronno最高新秀獎！
大家對佢哋嘅評價係：首先酒吧設計貫徹「海浪」與「乾燥」兩個元素，整體氛圍非常時尚，而超級經典酒單將兩款傳統Cocktails融合得極之成功，獨特嘅風格與口味奠定佢哋喺曼谷無可代替嘅地位。BKK Social Club (第19位)
BKK Social Club係位於曼谷昭披耶河四季酒店內嘅人氣酒吧，曾於去年榮登曼谷最佳酒吧，今年面對多名後起之秀，雖然排名下調但仍然堅守喺榜單上。佢哋賣點係地理位置唔錯，裝修精緻典雅，服務態度親切，酒單亦隨時間更新，適合第一次去曼谷想飲少少創意Cocktails放鬆或同情人去小酌。G.O.D – Genius.On.Drugs (新上榜；第26位)
GOD相傳係經營Teens of Thailand、Asia Today與Independendce Bar嘅團隊最後一個合作計劃，呢間酒吧係由兩棟廢棄房屋歷經三年改造而成，風格前衛且充滿活力，佢哋嘅員工有時會裝扮成驅魔人，加上彩繪玻璃、陰暗燈光等細節，唔知嘅真係會誤以為加入咗奇怪嘅驅魔儀式，因此亦十分受曼谷年輕人歡迎！呢度嘅Menu遵從「Excessive is necessary（必須過量）」原則，每款調酒都有專屬搭配嘅小食。招牌作係Uni Martini配以馬賞海膽+煙燻橄欖、Oyster Martini配以生蠔。Vesper (第29位)
走歐式典雅路線嘅Vesper係亞洲50酒吧榜歷屆常客，自2016年呢個排行榜創立以來一直都係座上客，經典與創新調酒兼備，形容佢為曼谷酒吧業界先驅可以話係實至名歸，因此今年佢亦獲頒Rémy Martin Legend of the List Award （傳奇獎）。Opium Bar (新上榜；第43位)
Opium係由米芝蓮餐廳Potong經營、以夜上海+鴉片館為靈感設計嘅Speakeasy酒吧，佢哋嘅特色係採用中藥藥材為基底，結合現代調酒技法製作出具有多層次味道嘅調酒。另外佢哋亦係2025年BK Magazine舉辦嘅BAD Awards最佳Cocktail Bars嘅得主，評審指佢哋嘅酒單種類豐富，每季更新嘅款式創意非凡，配酒嘅小食尤其係慢煮牛叉燒令人難忘。Bar Sathorn (新上榜；第48位)
Bar Sathorn座落於1889年建成年代久遠嘅The House on Sathorn古老大宅內，屬於曼谷W酒店嘅一部份。酒吧室內空間富有歷史感又帶點奢華，部份調酒原料更係來自酒店屋頂花園！調酒設計圍繞The House on Sathorn經歷嘅不同時代，細心留意Menu會見到有相關歷史故事。佢哋不時會推出期間限定系列，以前就推出過泰國可可、野山蜂蜜、山地咖啡為主角嘅酒單。
Mahaniyom Cocktail Bar主打「資源化雞尾酒」（Resourceful Cocktails）概念，著重食材永續性與零浪費。佢哋認為動植物各部份都可以為Cocktail帶來唔同嘅風味，會鑽研用各種泰國本地食材、熱帶水果、草藥同香料嘅無限可能。Firefly (第82名)
Firefly藏身於曼谷新通凱賓斯基酒店內，係一間風格豪華雅緻又帶有復古氣息嘅爵士風酒吧，以提供創意雞尾酒同高質素嘅葡萄酒、頂級威士忌聞名。除咗室內座位亦設有露台區，每晚20:00後仲有現場爵士樂表演，仲會不時邀請世界知名嘅調酒師嚟做客席服務！Messenger Service (新入榜；第90名)
同時斬獲最佳酒吧設計獎嘅Messenger Service酒吧，於2024年搬往百年歷史嘅建築裡面，佢哋精心保留原貌嘅同時呈現出極簡主義美學，設計核心理念為「Delivered from the Grocery（來自雜貨店），空間寬敞嘅同時予人溫馨舒適嘅感覺。呢一點亦反映喺酒單上，佢哋會以常見嘅食材為靈感，既有水果系，更有海鮮系、沙律系特調！