ก๋วยเตี๋ยวหมูรุ่งเรืองตั๋ง ห้องมุม

Open Now

Now Closed

泰國嘅「粿條」即係香港稱為「金邊粉」嘅河粉，比中式河粉幼啲、煙靭啲、其實仲有一種味道，好似少少甜甜地，唔係好識形容，總之我就勁愛金邊粉。嚟到泰國，就梗係食最正宗。「泰榮」係一間好正宗嘅泰式粉麵店，大排檔格局，可以話冇空調，但又至於䭍女到身水身汗，事關佢有透心涼龍眼冰，或者多種降溫涼水選擇。揀食物方式非常簡單，有圖有中英文對照，先揀粉類、餸、湯底，逐樣指就得。我揀咗乜都有，魚蛋、肉碎、豬雜粿粉+辣湯底，超好味。習慣跟泰國人食法，加入砂糖，黐線咁好味，未食完已經掛住，所以⋯⋯⋯嚟多一碗又一碗！千祈唔好忘記叫小食⋯⋯⋯⋯炸魚皮，係「真·魚皮」，真一個要食3份先夠喉。頭先講咗啦，坐低先隊一杯冰凍龍眼冰先，食完炸魚皮再嚟多杯，守返個尾門，Gurrr晒啦！