Video
Read full review
2025-07-01
又嚟又嚟！埋嚟埋嚟！講到今次喺曼谷嘅午餐真係好正！我喺「Mae Pranom original Thai food」呢間老字號嘅泰國餐廳度食嘢，真係完全唔失望，簡直係有希望！價錢又平又抵又有靚女睇，埋單只係$170泰銖，約港幣42蚊，就咁簡單嘅價錢又一餐，已經食到飽飽飽飽飽！首先要推介嘅係芒果糯米飯，呢個係泰國經典甜品。芒果又甜又多汁，粒粒新鮮切出嚟！配上熱辣辣軟糯香濃嘅糯米上面有啲粒粒脆粒類似綠豆咁嘅嘢，真係一口接一口，唔好唔好唔好停。你可以感受到芒果嘅鮮甜同糯米嘅香滑完美結合，食完之後仲有啲唔捨得嘅初戀感覺（想當年）。跟住係我嘅另一個心水：凍牛奶咖啡。話明減肥梗係配上無糖啦，呢個冷飲真係夏日必備喺街頭望住人哋人來人往飲住呢杯無糖啡真係chill到冇哂所有朋友，飲落去，奶滑啡香冰夠凍！就已經醒神晒。咖啡香濃又唔苦，凍到透心涼，喺炎熱嘅天氣入面嚟杯，真係享受到極致。配合呢個天氣，真係無慾無求！最後，唔可以唔提泰式木瓜沙律。老闆娘小姐好明顯睇得出我個額頭阻住「食唔到辣」細心問我「spicy？」我秒回「No!pls!」。雖然冇咗辣嘅刺激，但係掩蓋唔到木瓜又青又爽，嗰種酸爽配上花生碎、青檸同
首先要推介嘅係芒果糯米飯，呢個係泰國經典甜品。芒果又甜又多汁，粒粒新鮮切出嚟！配上熱辣辣軟糯香濃嘅糯米上面有啲粒粒脆粒類似綠豆咁嘅嘢，真係一口接一口，唔好唔好唔好停。你可以感受到芒果嘅鮮甜同糯米嘅香滑完美結合，食完之後仲有啲唔捨得嘅初戀感覺（想當年）。
跟住係我嘅另一個心水：凍牛奶咖啡。話明減肥梗係配上無糖啦，呢個冷飲真係夏日必備喺街頭望住人哋人來人往飲住呢杯無糖啡真係chill到冇哂所有朋友，飲落去，奶滑啡香冰夠凍！就已經醒神晒。咖啡香濃又唔苦，凍到透心涼，喺炎熱嘅天氣入面嚟杯，真係享受到極致。配合呢個天氣，真係無慾無求！
最後，唔可以唔提泰式木瓜沙律。老闆娘小姐好明顯睇得出我個額頭阻住「食唔到辣」細心問我「spicy？」我秒回「No!pls!」。雖然冇咗辣嘅刺激，但係掩蓋唔到木瓜又青又爽，嗰種酸爽配上花生碎、青檸同埋酸酸甜甜嘅醬汁，味道層次豐富得嚟又唔辣。呢個沙律清新開胃，食完之後整個人都精神晒。感覺上成個body都話「最好係食呢啲！」
同場加映係尋日嚟過一次食嘅炒米粉，米粉煙煙韌韌上面配咗隻蛋同埋蝦肉，花生芽菜洋蔥豆腐乾配合得啱啱好，影埋喺同一個po就最好。整體嚟講，呢次嘅午餐真係超值又滿足。價錢抵到一個高點，食物質素絕對唔馬虎。半島咁嘅擺盤，曼谷嘅價錢，仲有餐廳嘅氛圍都有泰國本土特色，泰國街頭咁熱鬧襯托住休閒嘅用餐。下次嚟曼谷，肯定會再嚟呢度打卡！如果你想食到正宗又唔洗就住黎用嘅話，呢間「แม่ประนอม」絕對係一個好選擇啦！如果大家去過唔滿意，返嚟搵我都冇問題🙋🏾♂️😄
Post
