今年大家飛咗幾多轉？鍾意去大城市定偏鄉郊地區？如果答案係偏愛慢活少少，而且去得多繁華地區都想偶爾清靜吓，大可以選擇去近年唔少Slasher / 數碼遊牧人仕都喜愛嘅清邁！呢度既有熱愛研究文化同歷史故事朋友仔喜愛嘅古城跡、寺廟，亦有聚集創意設計嘅文青手作小店、夜間動物園及夜市。因為景點之間唔密集，所以排行程時亦相對簡單。想每日更Chill地過，連食咩都唔使煩？即刻參考以下可以透過我哋網上預約嘅清邁餐廳啦！
🏖️ Samsen Villa
第一次到訪清邁，想試試喺平河（Ping River）河畔用餐又唔知揀邊間？源自曼谷、創立於1978年並獲得米芝蓮餐盤推薦嘅泰菜餐廳 Samsen Villa，係連唔少當地人及旅行團都會帶遊客去嘅熱門地點。
佢哋嘅食物選擇多達200幾款，大家見慣叫熟嘅泰國菜如燒烤河蝦、柚子蝦沙律、瑪莎曼咖哩、炒金邊粉、菠蘿炒飯就一定有，所以連同一家大細嚟用餐嘅話都一定有嘢啱食！不過講到招牌菜，就必定要叫佢哋非常有名嘅Frozen Beer、沙嗲豬肉串、炸魷魚及紅咖哩田螺！
順帶一提，佢哋其他分店都可以網上預約到，有需要嘅話可以睇呢度~
想搵傳統泰菜餐廳？就將各大旅遊網站（如Tripadvisor 5分；128篇評論）甚至Google（4.7分；167篇評論）都有相當高評價、位於清邁河畔酒店（The Chiang Mai Riverside Hotel）內嘅Malao Malao列入考慮清單啦！大家都鍾意佢哋十分經得起時間考驗、色香味俱全嘅皇家食譜如4色小食拼盤、泰式滷水五花腩，而且呢度食材都係取自於當地農民，亦有提供豐富嘅素食選項。
好多人話揀去清邁玩就係想慢活、想叉滿電、成個人Refresh哂咁返屋企，咁其實大家又有冇諗過除咗每日都陽光海灘 / 泳池Hea之外仲可以從飲食入手呢？唔介意一餐半餐冇肉落肚嘅話，可以去只供應100%純素菜式並已獲得 Veggiehotels 認證、Away Chiang Mai Thapae Resort（清邁素食度假村）入面間餐廳 Moreganic Restaurant！
佢哋嘅素食絕對係清新得嚟都好有樂趣，當中又特別推介大家揀價格超實惠（港幣約$120）嘅素食下午茶，三層架上有三文治、牛角包、時令水果、泰式甜品及兩杯無酒精特飲！同埋大家咪睇佢叫下午茶，其實供應時間係每日11:00~17:00，時間安排上好有彈性！
全國泰國都有連鎖店、自1979年開業至今嘅藍嘉隆海鮮酒家，連清邁國際機場都有得食㗎！無論係第一日落地想食海鮮大餐又抑或臨走之前想提早到機場，都可以直奔去食佢哋嘅招牌香香魚露炸鱸魚、烤大頭蝦、魚露醃生蝦及鹹蛋黃炒魷魚等惹味泰菜！
如果唔想花太多「腦力」喺餐牌上，更可以預訂埋2小時任食任飲套餐，基本版約港幣$220/位，With Extra Menu加多$50左右就可以食到埋黑椒蒜蓉炒軟殼蟹、大蝦冬蔭功及蟹肉咖喱粉絲等菜式。清邁機場外曼谷Central World都有分店，一樣可用網上輕鬆預約到！
