喺泰國曼谷呢一個咁熱嘅地方，梗係要食下雪糕散一散熱！今次我哋去試呢間係曼谷到處可見嘅美國嘅連鎖店！

張梁點餐👦🏻🧒🏻
฿89 (約hkd$22) 《American Tower》🇺🇸
評分（10分滿分）：7️⃣
食評💬：呢到嘅配搭十分之多，可以自選亦可以揀已經set好嘅，我地試咗呢個美國杯，有支旗仔係上面好得意。藍色雪糕口味係monster berry cookie，其實都係曲奇味🤣有cream、香蕉粒、威化餅同士多啤梨醬，呢個價錢來講算性價比好高！

Swensen's (สเวนเซ่นส์) (Wat Phraya Krai)📍
Wat Phraya KraiAsiatique The Riverfront, Charoen Krung Road, Bang Kor Laem, Bangkok
👉🏼摩天輪夜市嘅大門口附近👈🏼

上網見到餐廳✨「Sretsis Parlour」✨果陣已經覺得好靚，門口係粉紅色大門，而入面嘅佈景有啲似獅子女巫魔衣櫥🧚🏻‍♀餐廳最入面仲有隻獨角獸擺設🦄杯杯碟碟都有哂花紋，食物都好靚，可惜最令人失望嘅係味道🙈不過如果只係至在打卡都可以當比左入場費嘅～

味道方面...就由大家自己衡量返去唔去潮聖喇～

張梁點餐👦🏻🧒🏻
1）฿590 (約hkd$152)《Pineapple Princess Cake with Surprise Milk》《菠蘿公主蛋糕 配 獅子圖案特色奶》
評分（10分滿分）：6️⃣
食評💬：蛋糕嘅賣相好靚，面頭係用菠蘿乾製成到好似花一樣，而且塊菠蘿乾係閃令令，感覺好金碧輝煌✨頭一啖食落都幾香，不過食多左就會覺得好甜好膩🙈Surprise milk方面可以自己選擇餐廳有嘅圖案，我地當時揀左獅子🦁️不過我見其實獨角獸都幾靚🦄️味道就無乜特別，普通奶一杯～價錢響泰國黎講亦係偏貴

2）฿650 (約hkd$168)
《Blossom baby cakes garden with Hot Mon Petit Papillon》花兒蛋糕配一壺熱芒果味花茶
評分（10分滿分）：6️⃣
食評💬：蛋糕非常少女，一碟有四件，粉色系列打卡一流，不過啲cream好多同好甜，食一舊其實已經夠晒🙈花茶味道出乎意料地唔錯，係我地覺得最滿意嘅一環，茶壺靚同埋夠大壺，杯入面有粒有閃粉嘅花芯，當你倒茶落去嘅時候，杯茶就會閃閃發光🌌好似個銀河係咁，我都忍唔住望左幾秒～

留意返👉🏻餐廳有加一，每人至少要嗌一個set🙈即係一個甜品加一杯飲品，飲品方面可以憑自己喜好揀唔同嘅特式飲品，有啲要加錢有啲唔洗加錢，唔一定要跟我地加฿100揀surprise milk～價錢唔平，不過勝在可以坐低抖吓打卡影相📸如果真係想食好野嘅話🙈建議大家尋覓其他特色餐廳，泰國都有好多好野食架～

Sretsis Parlour (Lum Phi Ni)📍
Lum Phi NiCentral Embassy, 2th Floor, Phloenchit Road, Pathumwan, Bangkok
👉🏼BTS Phloen Chit站行5分鐘👈🏼

今次嚟到曼谷張梁真係專登做咗唔少research為咗可以食得好味、坐得舒服、有靚景影相，幾乎每間食店都係精心挑選😉不過當然都會有伏有唔伏啦！
今次就會介紹返「Roast at Em Quartier」
✨其中一樣賣相靚靚嘅主打甜品🍓草莓窩夫～

張梁點餐👦🏻🧒🏻
฿320 (約hkd$90)《草莓窩夫》《Strawberry Waffle》
評分（10分滿分）：7️⃣
食評💬：認真咁講，其實味道唔差，賣相亦好睇👍🏻但芸芸眾多泰國甜品裡面，呢個窩夫實在比較下去🙈不過作為打卡之用都絕非不可一試📸窩夫配上鮮奶油同草莓粒再加上雲呢拿雪糕，可謂最佳配搭，泰國雪糕真係認真好味😋就算普通雲呢拿味都感受到果種奶滑🤪反而草莓唔夠甜，不過成個甜品黎講，食完唔會覺得好濟都算係咁～

溫加癲啦唯阿薩～

張梁係哈利波特迷，上網見到有間餐廳好吸引🔮舖頭無論室外定室內都帶有英倫風，係歐洲式建築同設計，充滿神秘感同埋好有魔法嘅感覺🧙🏻‍♂️食物質素好高好好味，鍾意呢種style嘅你絕不能錯過！

張梁點餐👦🏻🧒🏻
1）฿160 (約hkd$45)《魔法飲品-薰衣草味梳打》《Wild Gardenia》
評分（10分滿分）：🔟
食評💬：呢款魔法飲品總共有四隻味道，分別係薰衣草、桃、橙、莓味🤤除咗魔法藥水顏色唔同外✨每粒冰入面嘅水果都會唔同🥰好似我哋呢款薰衣草味咁，魔法藥水就係紫色🎆而每粒冰入面就有芒果、士多啤、碟豆花同埋薄荷葉，再加埋薰衣草汁，成杯飲品好靚好有氣質😍而且開頭以為薰衣草味可能會好假，無諗過飲落味道好夢幻好清甜😋只能說響香港絕對飲唔到呢隻味！

2）฿290 (約hkd$80)《黑松露奶油意粉》《Creamy Mushroom with Truffle Oil》
評分（10分滿分）：🔟
食評💬：被譽為曼谷必食意粉嘅頭五位！名不虛傳，奶油味極重🥰從未食過咁好食嘅Carbonara🤤再加上淡淡的黑松露味，真係食過返尋味！👍🏻👍🏻👍🏻實在形容唔到咁多，只能說有機會一定要試～

3）฿140 (約hkd$40)《椰子撻》《Fresh & Fluffy Coconut Cream Pie》
評分（10分滿分）：8⃣
食評💬：椰子控嚟到曼谷一定係喪食椰子甜品同飲椰青🤣呢個椰子撻好多椰子肉，加上椰子味嘅cream同鬆脆嘅餅底，做飯後甜品一流！🤤不過阿梁就麻麻地個餅底，佢話個餅底太硬同埋無乜味，鍾意Greyhound嗰個椰子蛋糕多啲～

總括而言👉🏻雖然呢度位置唔近市區，要特登搭的士嚟，但性價比真係極高，值回票價！服務超好，而且環境又靚，飯廳另一邊有一幅放滿咗蝴蝶標本嘅牆， 任打卡影相都唔嬲📸食完飯仲會俾個抽籤筒你抽出一條羽毛，羽毛上面有一啲字句，詳細我就唔講咁多🤪留返俾大家發掘下👍🏻除此之外，其實餐廳裡面有部分範圍係擺左啲飾物、袋仔同埋香水，復古味濃😎鍾意嘅話仲可以買返屋企架🤤我自己就買左一對流蘇耳環、民族手鏈同埋花紋布袋～

大家未去過都一定聽過泰國嘅After you甜品！今次我哋就去左朝聖，試左果到嘅綿綿冰！After you有好多間分店，大家可以揀一間近你地嘅去食～

張梁點餐👦🏻🧒🏻
฿185 (約hkd$50)
《芒果糯米飯綿綿冰 (迷你版) 》
Mango Sticky Rice Kakigori (baby size)
評分（10分滿分）：8️⃣
食評💬：我哋叫咗個mini size嚟當飯後甜品，賣相幾好👍🏻成座山咁😎但其實係芒果味嘅綿綿冰，面頭鋪滿左椰漿，而底部就有芒果粒同埋椰汁糯米飯🍚如果覺得唔夠味，可以倒埋隨甜品附上嘅兩小杯椰漿同埋芒果漿落去🙈口感味道更佳！另外仲有個貼心位就係凍茶隨便任人斟嚟飲，不過如果係熱茶的話就更好了！

After You (อาฟเตอร์ ยู) (Pathum Wan)📍
Pathum Wan, Siam Paragon, G Floor, Rama 1 Road, Pathumwan, Bangkok