Item: เชฟ แมน
Rating: 5
Author: Bacchus526

Bacchus526

ระดับ1

朋友介紹，話文苑有樣名物，花膠扒鮑汁撈麵，花膠有手掌咁大喎😆 咁點可以唔去試下呢？首先，上網睇OpenRice會見到有3間，自己去選擇近自己同方便自己果間先，跟著就打電話去訂枱先，因為都幾爆場。留意 Royal Palace 2, 6 Thanon Ratchadamri, Khwaeng Lumphini, Khet Pathum Wan, Krung Thep Maha Nakhon 10330，小心google map會帶錯路，，建議直接去到BTS Rathaddami站再用呢個地址用search。室內環境裝修係有啲舊式同傳統既中國酒樓feel，有9間大房可供訂座，不過唔知有無min charge 。今次叫左文苑醃製蘿蔔 230baht，青椒皮蛋 280baht，燒味拼盤（細）550baht，竹笙魚腐湯 390baht，鮑汁花膠仔麵 890baht，文苑鴛鴦河粉（牛）+（細）480baht，兩個人絕對足夠了。鮑汁花膠仔麵，果然不付所望，手掌咁大，有咬口，鮑汁好掂，掛哂麵，要加多碗飯去撈埋剩底既汁，唔好浪費，真係超好味又超值。另外，兩個人叫燒味拼盤係最好選擇，燒肉同义燒各有6件

อ่านรีวิวฉบับเต็ม

朋友介紹，話文苑有樣名物，花膠扒鮑汁撈麵，花膠有手掌咁大喎😆 咁點可以唔去試下呢？
首先，上網睇OpenRice會見到有3間，自己去選擇近自己同方便自己果間先，跟著就打電話去訂枱先，因為都幾爆場。
留意 Royal Palace 2, 6 Thanon Ratchadamri, Khwaeng Lumphini, Khet Pathum Wan, Krung Thep Maha Nakhon 10330，小心google map會帶錯路，，建議直接去到BTS Rathaddami站再用呢個地址用search。
室內環境裝修係有啲舊式同傳統既中國酒樓feel，有9間大房可供訂座，不過唔知有無min charge 。
今次叫左文苑醃製蘿蔔 230baht，青椒皮蛋 280baht，燒味拼盤（細）550baht，竹笙魚腐湯 390baht，鮑汁花膠仔麵 890baht，文苑鴛鴦河粉（牛）+（細）480baht，兩個人絕對足夠了。

鮑汁花膠仔麵，果然不付所望，手掌咁大，有咬口，鮑汁好掂，掛哂麵，要加多碗飯去撈埋剩底既汁，唔好浪費，真係超好味又超值。
另外，兩個人叫燒味拼盤係最好選擇，燒肉同义燒各有6件，燒肉係脆皮又唔硬。
文苑鴛鴦河粉絕對係今晚既意外驚喜，河粉用泰國粗身河粉，炒得好有鑊氣，牛肉超冧，無得彈。
下次再黎，我會試下佢地個魚翅同埋牛肋骨，見到隔離枱有，望落好正，可惜食太飽了。
最後，值得一讚既，係呢度既服務，有足夠員工之餘，佢地會好留意客人既茶杯，添茶速度極快，又友善。

必再試。