เสวย

ตอนนี้เปิด

ตอนนี้ปิด

之前到人講依間餐廳唔錯，尼到曼谷揀左依間去食晚餐8點幾去食，唔算多人，一去到就有位同朋友兩個人食，大家都比較細食，所以只係叫左3樣野食...菠蘿炒飯、冬陰公、咖喱炒蟹，仲有杯青檸梳打食物的價錢同係香港食泰國餐差唔多咖喱炒蟹比較貴要THB1600大約HKD4百蚊左右，但係絕值得食!隻蟹好多肉，蟹夾成個拳頭咁大。個店員建議的我地嗌左多士點D咖喱食，我地本身都諗住唔洗，因為覺得會食唔曬不過多士都係THB60(約HKD十幾)就試下啦，十幾蚊都有好多舊多士好扺而結果D咖喱點多士好夾，食食下真食曬!!另外，冬陰公既味道都幾正宗酸酸地，同埋唔算好辣，唔食得辣既人都接受到個菠蘿炒飯都好味，菠蘿唔係平時香港咁切左一半先上，個菠蘿好深，有3分之2個最扺䜠係菠蘿成個底都係可以食，仲要好鮮甜而杯青檸梳打酸酸甜甜好開胃最後同朋友兩個人食曬成枱野食，好飽好滿足~總括依間餐廳值得去食!