集結名牌、泰國本地品牌、超市與美食嘅Emsphere 2023年年底開幕以嚟一直都被稱為遊曼谷必去商場，其一係呢度地理位置極佳，BTS Phrom Phong站行過去極近，又與Emporium、EmQuartier 共同組成「EM商圈」，佔地20萬平方米，鍾意Shopping嘅朋友分分鐘可以行一日都未行哂！
其次係呢度有為數不少嘅知名打卡美食店，譬如話Oh My Godmother、八號甜蜜、泰國明星Win Metawin主理嘅馬卡龍店Souri，以及地獄廚神Gordon Ramsay旗下Pizza店Gordon Ramsay Street Pizza 等。天氣麻麻地時入嚟涼冷氣，喺度食足一日六餐都唔怕撞款、唔怕冇嘢啱食，只怕胃容量唔夠大！
Napha 
雖然位於商場內，但Napha唔係連鎖泰國菜名店，佢嘅賣點係一次過可以食到7位泰國頂尖名廚嘅手勢，Menu涵蓋泰北、中部、東北、泰南四大地區，經典與創意菜式兼備包括乾魚鬆西瓜、泰北烤腸拼盤、泰式蘇格蘭蛋、海鮮冬蔭功與黃咖哩蟹肉米線等，大部份菜式都可以調整辣度，有需要只要落單時備註一下就OK。另外，都有好多食客讚佢哋嘅服務態度良好，加上用餐環境溫馨舒適，相信無論同朋友、情人定家人嚟食都唔會失望！
Sabio 
Sabio 係一間於2024年年尾先開張、主打西班牙小食嘅餐酒吧，由新加坡著名餐飲集團 Deliciae Hospitality Management 經營。餐廳空間寬敞，裝修以黑、白、紅三色為主色調，風格時尚、活潑，四處有班馬裝飾打卡位，逢星期五更有Live Music表演！
食物方面，佢哋擅於將傳統西班牙烹飪技術與泰國本地優質食材結合，人氣菜式
有：番茄火腿脆包（Pan con Tomate & Jamon）、豬頸肉海鮮西班牙海鮮飯（Paella el Sabio）、橄欖油蒜味蝦（Gambas Pil Pil）與加入泰式香茅、薑、青檸與羅勒等要素嘅曼谷西班牙水果酒（Bangkok Sangira）。
📍地址：Emsphere, 5th Floor
⏰營業時間：11:00~01:00
其實講到成個EmSphere商場入面最受歡迎嘅餐廳，一定係呢間位於5樓嘅高空泳池酒吧TRIBE Sky Beach Club！佢哋嘅裝修風格係熱帶海灘渡假風，日與夜景色同氣氛各有風味。座位數量唔少，無時間限制任坐，但最正嘅一定係對正泳池嘅躺椅區，攤坐喺上面邊飲特色Cocktails邊賞景，浪漫度滿分！另外呢度逢星期六、日都會有特別表演如歌舞、火舞，就算唔想落水都一樣可以好Fun！
在 Instagram 查看這則帖子
1010 Wine Bar & Restaurant 
相較於熱鬧嘅活動更在意有冇啱心水嘅酒水？咁大家可以選擇過嚟EmWonder內嘅1010 Wine Bar & Restaurant！唔少當地人都好鍾意呢度Causal得嚟又有啲優雅嘅氛圍，並形容呢度係城中愛酒之人必去嘅餐酒吧！
佢哋搜羅咗約60款來自世界各地嘅葡萄酒，配以惹味又精緻、融合意大利風味嘅現代地中海菜如牛肉他他、生蠔、龍蝦意大利麵與黑松露闊通粉，亦有90分鐘Free Flow 手工啤酒與小食、2道主菜配2款小食與90分鐘Free Flow Cocktails等選擇。