แหลมเกต อินฟินิต (已結業)

上網看到這間餐廳，有些人介紹有生蠔任食，又話555任食，有些人又話666任食，在Facebook訂檯都未講及價錢多少，直至去到才知道原來已加價至每位777銖，仲要係限時1個半小時。在網上尋找這餐廳，看到在Ari站附近有餐廳TukTuk去的，車費每位40銖。我們傻傻的4點行完翟道翟便轉車去Ari站搵TukTuk,結果怎也找不到，因已訂了17:30檯，唯有在Ari站坐的士去餐廳，車費300銖，原來正是翟道翟附近，真的被氣瘋了。去到已經17:50，剛叫第二轉，侍應已話Last Order,吓....原來17:30果場，只食到19:00而已，我們遲到場，食得更趕。食物選擇唔算多，只有24款，但我們三人已試了19款，生蠔冇乜肉，如果為了任食生蠔而來，真的不用試了。好食的有蟹肉炒飯，咸旦鱿魚，魚露炸鱸魚，紅咖哩蝦，泰式海鮮沙律。每位777銖(約港幣$192)，冇加一，價錢唔貴，但計埋來回的士費600銖，平均每人977銖(約港幣$249)仲要食到趕餐飽，便唔值得了。😂