Khaosoi Maesai

每次去清邁都必定會到訪尼曼區的Khaosoi Maesai. 小店門面冇堂皇嘅裝修， 但勝在食物味道夠美味價錢夠親民。 除咗唔同顏色嘅遊客裏面重夾雜咗好多本地人！

雖然餐廳唔大， 但反枱返快 ，正餐時間一般要等位短短嘅時間就可以就座。 店內坐得舒服， 仲唔使搭枱 （估計淨係香港先需要搭枱😅）.

十幾蚊港紙一碗嘅金麵， 帶著濃郁嘅咖哩椰汁味， 會有鮮嫩嘅雞髀或者入味的牛肉， 配上伴碟上嘅青檸汁酸菜等，令人食完一碗想嗌第二碗！！

另外推介買佢煮食區旁邊放嘅炸豬皮， 非常酥脆香口！