之前都同大家介紹過唔少米芝蓮餐廳，唔知大家有冇把握機會去食返幾間先？今次繼續同大家打撈漏網之魚，當中有4間係食泰菜（包括傳統皇家料理、注入唔少新技術嘅創新派泰菜），另外2間分別係日本菜同越南菜，既有適合兩個人Sweet Sweet浪漫晚餐，亦有可以帶埋親朋好友齊齊歎嘅溫馨餐廳。如果嚟緊有打算去曼谷，睇完啱心水就即刻網上Book啦！
今年年頭 Chim By Siam Wisdom 嘅創辦人Chef Noom （擁有泰國料理鐵人之稱、曾被CNN票選為曼谷最佳廚師），就曾經同 Le Du 主廚 Chef Thitid “Ton” Tassanakajohn 來港搞一場與Niras合辦、只此一晚嘅四手聯乘晚宴，如此一位難求，錯過咗都好正常~但想食到大師級手藝又唔係0可能，事關大家可以透過我哋網上預約到呢間連續7年榮獲泰國米芝蓮一星嘅高質泰菜！
呢間餐廳近年搬咗去係Samsen區（不再位於Sukhumvit區！）一棟於拉瑪六世年代建造、有殖民地色彩嘅古屋，由Saphan Khwai、Ari及Sanam Pao BTS站Call車過去都係約10分鐘左右。佢哋之所以會選擇遷居係因為一嚟呢度有160年歷史痕跡、全木系結構仲保留得非常好，最重要係呢度有埋小花園方便佢哋種植一啲可以即時新鮮入饌嘅香草！
食物方面，佢哋擅長將傳統泰菜用新穎、國際化嘅手法重新包裝。招牌菜係失傳200年秘方冬蔭功（The Lost Recipe）、24小時燉牛臉頰咖喱，無論係午市6道菜定晚市9道菜Tasting Menu都可以食到！
如果係第一次去曼谷，又或者係第一次去食米芝蓮星級餐廳，Saneh Jaan作為主打泰國傳統皇家料理嘅連續6年一星得主，無論地理位置、價格定風格都好適合大家去體驗！首先佢哋同BTS Phloenchit 站嘅距離算近，由各大商場同景點Call車過去都可以；然後佢哋嘅裝修風格溫馨，一改「米芝蓮就等於Fine Dining」嘅印象（當然都係唔可以著短褲、拖鞋內進啦~），大家可以輕鬆帶屋企人、情人同朋友齊齊去Enjoy都合適！
據知團隊花唔少時間去研究幾近失傳嘅各種舊食譜，所以佢哋嘅菜式風味正宗得嚟仲有背景故事，大家可以選擇直接叫會隨季節轉換內容嘅套餐去感受，但同時都有唔少人選擇散叫，推介菜式包括酸甜脆米粉配河蝦、瑪莎曼咖哩配慢煮佛統府產牛肉及店名由來——傳統甜品、寓意吉祥嘅Saneh Jaan！
個名好似有啲熟口熟面？如果有留意開亞洲飲食業界大事嘅應該唔會唔識佢鼎鼎大名嘅姊妹店——Nusara！呢度係Chef Thitid “Ton” Tassanakajohn 所開設、用以致敬佢祖母嘅餐廳，雖然名氣同Nusara仲有啲差距，但佢一樣係亞洲50最佳餐廳精選、米芝蓮入選餐廳（Michelin Selected）！
佢哋用現代烹調技術去重新詮釋源自1987年至1992年同公主陪葬嘅泰國皇家食譜，令呢類差啲失傳嘅菜式可以成為真正經歷得起時間考驗嘅經典！大家透過我哋訂檯及預付套餐嘅更會獲贈一人一杯無酒精飲品，想食到用歐洲技巧同食材去炮製嘅精緻創新泰國菜，特別係慶祝紀念日/生日嘅話認真考慮吓呢間啦！
🍽️ KHAAN (ขาล)
呢間米芝蓮推介餐廳係由榮獲2021年米芝蓮新星主廚（亦係泰國第一位獲得呢個獎嘅Chef！）Sujira ‘Aom’ Pongmorn所創立，佢今年4月時曾到澳門倫敦人與妙‧泰攜手呈獻限時3日嘅「金宴•一席一傳奇」，致力將泰國街頭美食轉化成Fine Dining餐桌上嘅佳餚。
KHAAN特別著重永續發展，強調零浪費，會同當地農民及漁民合作，盡量採用當地優質及時令食材入饌。佢哋只供應11道菜 Tasting Menu（可選擇配茶或配酒）設計理念係由森林食到海洋，一場貫穿泰北到泰南嘅獨特美食之旅，如果對泰國美食文化特別有興趣，又喜愛創新派系就要去見識吓喇！
🍽️ Yamazato
近年曼谷愈嚟愈多日本料理店開張，由以前壽司、刺身放題到而家鐵板燒、Omakase甚至係過江龍店都愈嚟愈多。如果係同鍾意食日本菜嘅情人初遊日本以外嘅國家，又或者係經常回訪、一年閒閒地去三四次曼谷嘅朋友，去呢間本店於1971年開業、獲得米芝蓮入選且係位於五星級酒店曼谷大倉新頤酒店（The Okura Prestige Bangkok）內嘅山里餐廳就可以有唔錯嘅「喺異國食異國料理」嘅體驗啦！
呢度既有壽司吧檯、鐵板燒吧檯及私人包廂，所有料理由大倉集團工作接近40年嘅主廚荻原繁（Shigeru Hagiwara）主理，每星期都會從日本空運食材包括薩摩和牛、北海道帆立貝，無論係會席料理、懷石料理又抑或係鐵板燒套餐都睇得出佢哋著重細節、擺盤同食材新鮮度，Google上評價都相當唔錯！加上24樓景觀開揚，都有唔少當地人會帶情人嚟渡過一個浪漫嘅晚上！
睇完上面日本菜，旅居曼谷 / 打算留得比較長時間嘅朋友仲想知曼谷有冇咩其他菜式值得試？大家可以睇睇呢間2022-2024都得到必比登推介、於1987年喺曼谷都喜天麗酒店（Dusit Thani Bangkok）嘅越南菜餐廳。佢哋新址位於Baan Dusit Thani園區內一棟經過修復、帶有法國殖民風格嘅百年老宅內，距離Sala Daeng BTS站只有5分鐘步程！
佢哋嘅菜式大部份都有加入色彩同營養價值豐富嘅蔬菜，譬如係米紙卷、檳榔葉烤肉及炸香蕉（素食Menu選擇都非常多），但唔少旅客都會直接揀包Free Flow飲品+越南料理任食90分鐘，兩個餐分別在於有冇得揀埋指定菜式包括：河內炸鱸魚佐薑黃及蝦醬、香茅煎魚、薑汁蒸蟹及炭烤豬肉餃子配菠蘿及香蕉乾生菜包。
—---------
其他可預約嘅米芝蓮餐廳——
一星餐廳：
‧ Khao (Ekkamai)
‧ Nahm
‧ Elements
🍽️米芝蓮餐盤推薦 / 入選餐廳
‧ Celadon