嚟緊放完農曆年假，情人節就到，雖則話唔一定要正日慶祝，但再老夫老妻都要有返多少儀式感，唔可以年年都求求其其落樓下食 / 叫對方煮大餐就算嘅！一早有哂計劃Book哂預約困難店固然好，但嚟一次驚喜快閃飛去異地共渡，再加預約好一餐令人驚艷嘅Fine Dining都係可以記一世嘅難忘體驗！
1. Elements
呢間法式X日式風格Fine Dining 位於BTS Ploenchit站附近嘅大倉新頤酒店 （The Okura Prestige Bangkok）25樓，連續7年獲得米芝蓮一星榮譽，室外座位可以欣賞到曼谷繁華嘅夜景。之所以會話呢度適合大家嚟，尤其係如果伴侶本身唔特別偏愛香辣、香料多嘅菜色，呢度大量採用日本高質食材，又以法式烹調方式，著重菜色之間嘅味道平衡，配以精緻得嚟又有創意嘅擺盤，相信就算平時食慣好嘢嘅都會認可！
而且佢哋同大部份 Omakase / Fine Dining餐廳同樣不時不吃，經常轉換菜單，就算以前嚟過都一樣可以有驚喜！情人節正日 7道菜晚餐收費14,400泰銖per couple，計返港幣人均超過$1,500，想食平啲可以揀返平時嘅套餐：KU-KI 4道菜 （4,100泰銖/每位） / CHIKYU 6道菜 （4,900泰銖/每位）/ MIZU 8道菜 （6,400泰銖/每位），每款都可以加錢加配Wine Pairing / 自家製康普茶（Kombucha）。
BTW，錢唔係問題，只係未熱血到可以即日來回嘅，可以考慮入住埋呢間米芝蓮都推介嘅五星級酒店（唔係講笑，真係有呢篇報導「四家泰國擁有米芝蓮星級餐廳的米芝蓮推薦酒店」㗎！）
又係五星級酒店（曼谷暹羅凱賓斯基酒店 Siam Kempinski Hotel Bangkok）內餐廳，又係連續多年獲得米芝蓮一星推介，咁到底上面同呢間有咩分別先？首先剩係講最重要嘅菜系就已經大不同！呢度主打創意泰菜，主張用世界各地先進嘅烹飪投術重新包裝傳統泰式美味，菜式設計花巧得嚟又有唔少席前表演，譬如話正式入座前入Lounge食嘅街頭風開胃小食，就有連包裝袋都食得嘅玩法！
其次呢度來自丹麥嘅主廚Henrik Yde Andersen亦大有來頭，曾經留泰一段時間嘅佢，返哥本哈根時開設咗名為Kiin Kiin嘅泰式Fine Dining餐廳，而呢間店之後亦好快成為全球飲食界焦點仲摘埋星，亦即係話本店及曼谷分店都係米芝蓮，旨在摘星嘅饗客又點可以錯過呢！
目前呢度供應緊名為「冬季之旅」嘅套餐，最低價格嘅係午市套餐，包含4道街頭小食、2款前菜（包括五香鴨清湯、北海道帶子配青椒烤青瓜棉花糖沙律)、1份主菜（瑪莎曼小牛肉）不及1份甜品（火焰冧酒小菠蘿配椰子及菠蘿雪糕）收費2,900泰銖；但論及食到最豪同一次過可以食哂招牌菜嘅晚市16道菜套餐（8款開胃菜、5款前菜、1份主菜及1份甜品)都只係收4,300泰銖，唔使一倍價錢，揀All-In好似仲抵食啲！
對於係唔係米芝蓮星星餐廳冇咩所謂，最緊要係景靚、嘢食正嘅話，就可以睇睇呢間米芝蓮推介！呢度嘅賣點係（1）絕美又Signature嘅湄南河、鄭王廟景色可以做打卡Background；（2）座位極有限，用餐環境私隱+浪漫度滿分；（3）Menu係每日更換，冇散叫Item，主打經典泰國皇室菜，每位收費2,800泰銖，素食套餐則為2,200泰銖。
呢3點令到呢間餐廳收穫大量好評，寫文呢刻Google評分高達4.7（141則評論），大部份留言都係讚個Vibe，亦有外國客人表示揀咗呢度做共渡情人節、慶祝結婚紀念日甚至求婚地點，餐廳服務都極之配合又熱情令佢哋十分滿意。現下餐廳已開始接受情人節當日預約，特設嘅套餐包玫瑰香檳，收費10,000泰銖per couple。
比起傳統意義上嘅Fine Dining，更enjoy熱鬧嘅氛圍之中？咁位於曼谷素坤逸卡爾頓酒店（Carlton Hotel Bangkok Sukhumvit）34樓嘅天台酒吧應該啱哂Feel！點解唔揀其他更知名嘅天台吧？因為最重要嘅係呢度啲嘢食係有非常高評價㗎！單身/同朋友聚會就話重點係飲酒同識吓當地或其他地方嚟嘅朋友，同情人去就當然係樣樣都要分數係合格線以上啦！早機飛嘅朋友可以直衝嚟呢度飲特色Cocktail/生啤/手工啤+睇曼谷城景日落，如果有意喺度過情人節，就有兩個方案選擇：Regular包5道菜浪漫套餐及4杯精選飲料（5,500泰銖起 per couple），及Premium包5道菜豪華浪漫套餐及1瓶Chandon Brut或Rosé（6,900泰銖起 per couple）。
之前喺另一篇文章 好拍好吃又好坐 5家必去曼谷精品餐廳 都介紹過，比較推薦鍾意寧靜環境、可以專心於對方嘅情侶/夫妻嚟享用。不過同一酒店內另一間餐廳 The Pier 先有做情人節推廣，第一款係坐船出去飲香檳+睇日落再返嚟食5道菜晚餐 （16,500泰銖起 per couple），第二款係只享用晚餐，收費為7,500泰銖起per couple。
6. Celadon
