โกหมาก หัวหิน

ตอนนี้เปิด

ตอนนี้ปิด

見好多人都話黎到華欣食完會再食既餐廳，就預訂定位黎試一試，咁訂枱時就訂埋碟1kg既蒸蟹。我地見夜晚會多人就訂咗中午去食飯，門面都好易見到，係正大街藍色屋仔，餐廳內既裝修都好簡單整潔，侍應都會介紹一些比較有特色及多人叫既餸菜，見第一次黎就咩都試下啦！至於D餸菜叫咩名真係唔太記得，淨係記得真係堅好味😋，所以影低同大家分享下，淨係知每碟餸菜都比外面任何一間餐廳好食，特別推介fried fish with garlic and peppermint (佢香脆得黎又唔會太油👍👍👍👍😋)& tom yum soup(佢既湯料同味道都好正，唔會太酸或太辣同埋放耐咗都唔會變得太稀，無得輸)。至於甜品係華欣內其中一間餐廳放呢度提供給未能去試既客人有機會品嘗。呢度無論食物，環境同侍應態度都媲美出面酒店級數，CP值都真係勁高！