Video
Telephone
096-909-4916
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
今次黎到曼谷，即刻番去哩間韓國燒肉餐廳，因為佢質素超高，回味無窮，環境舒適，價錢平，最緊要係全程有人幫你燒😊哩間冇得上網訂位，所以我哋早少少5點食，去到都要等15分鐘。舖頭有兩層，我哋被安排坐二樓卡位。每張怡都會有一位特定嘅職員serve你同埋幫你燒嘢食。你未落order 佢已經即上前菜。前菜種類真的嚇你一跳，有泡菜，辣青椒，芽菜，醃白蘿蔔，韓國粉絲，生菜（可包肉食）同埋沙律菜。所有前菜都好好味，份量亦唔吝嗇，佢哋會當你就嚟食完一碟前菜時幫你叫定新一碟，係可以無限refill. 我哋6個人叫左1 set 燒牛，有3種牛肉，個set仲已經包埋一個蔬菜鍋，菠蘿，芝士，另外我哋加咗豬頸肉同豬腩肉。首先職員會特登燒一小碗蒜片俾你送肉食，真的很窩心！然後佢會續樣肉燒俾你食，你食到差唔多佢先再燒下一種肉，確保你享受到佢最好的味道。另外，每開始燒一種肉前，佢都會show 個label,俾你睇下塊肉係何方神聖。今次哩個牛set嘅肉都係aged, 哩個價錢當然aged 嘅時間唔會耐喇，但感覺好似係高質左好多。所有牛都冇醃過，原汁原味用炭火燒，職員十分專業，當然同好多餐廳一樣會問你食幾成熟，我哋食medium rare, 佢好專業哋煮塊排，當佢剪開塊扒嘅時候，肉中心嘅顏色非常之靚，食起嚟軟嫩多汁，帶有濃郁的牛肉香氣😋另外佢嘅豬腩肉烤得非常香脆，佢烤之前仲好專業地用温度計確定爐嘅温度先開始煮。煮嘅時候迫晒腩肉啲油出黎，食嘅時候非常脆口，肥瘦肉都層層分明。最後佢仲會煮牛肉薄片mozzarella，拉絲的芝士口感Q彈，與牛肉的肉香完美融合。佢嘅燒菠蘿亦係一絕。成餐飯雖然食咗好多肉，但一啲漏嘅感覺都冇，所有肉都令人回味無窮，可惜已經太飽食唔落啦，要等下次再去泰國先食倒喇…
continue reading