Napha (นภา)
全新商場餐廳Central Park唔知大家去咗未呢？新派泰菜Napha都進駐咗，喺度開咗新分店。主打All Star Flavours概念，用平易近人嘅價錢，就可以試到各位泰國大廚設計嘅新派泰菜。人氣菜品例如Strawberry Kapi Salad，傳統泰式沙律加上士多啤梨，配搭出新穎嘅口味，鍾意創意料理一定要試，OpenRice仲有2至4人餐可以Book！Zaozen (ซาวเส้น)
One Bangkok可以話係呢幾個月最有話題嘅新商場！出名融合傳統泰北風味同現代創意嘅Zaozen，喺各大商場都有分店，最近亦都落腳呢個熱門商場。呢度主打酸、辣、鮮嘅味道，畀大家感受到泰國嘅熱帶風情，菜式簡單直接，冇過份花巧嘅擺盤。
必試招牌自家製米線，用咗新嘅技術去大量製作泰國傳統口味嘅米線，而且每日喺各間分店現場製作，確保新鮮品質，再製作成木瓜沙律 (Somtum)，口感爽口清新。Han Roll
曼谷超人氣日式壽司捲名店，喺當地都非常受KOL歡迎！主打新鮮食材同創意捲物，融合傳統日本技藝同泰國熱帶風味🍙木質裝潢配日式燈籠，非常有日本風舒適感，超豪之選係帶子、海膽、魚子醬加魚籽！OpenRice book定套餐，唔使$600可以食到7道菜！