不經不覺米芝蓮指南已經進入泰國飲食業界7年喇！《米芝蓮指南2025》已於11月28日正式公佈完整名單，今年一共有462間涵蓋曼谷、清邁、布吉島、攀牙府、大城府、呵叻府、烏隆府、烏隆府、孔敬府及首次進入第8版入面嘅新地區——春武里府嘅餐廳獲得推介。
最令人值得關注及振奮嘅消息係，今年終於有餐廳獲得泰國米芝蓮三星殊榮！正如米芝蓮指南國際總監Mr. Gwendal Poullennec 所講：「2025年於泰國飲食業界無疑係具有重要歷史意義嘅一年，同時包容同傳統與現代趨勢嘅泰國美食已成功向國際展現！」
🎉歷史性一刻！泰國米芝蓮史上初三星餐廳⭐️⭐️⭐️
Sorn, Bangkok ⬆️
由Chef Ice（Mr. Supaksorn “Ice” Jongsiri）領軍、專注於推廣泰國南部飲食文化，致力融合傳統與現代風味嘅Sorn，於2019年起從米芝蓮一星起步，次年晉升為二星餐廳，其間曾一度獲得亞洲50最佳餐廳第二位，今次終於攀上自身及泰國飲食史上高位！
米芝蓮評審認為佢哋食材品質超凡，無論係布吉龍蝦、安達曼群島魷魚抑或係他彼河河蝦都能夠喺Sorn餐桌上展現出無窮無盡嘅魅力。菜單設計同上菜節奏舖排得天衣無縫得嚟又不乏驚喜。佢哋能夠始終如一地提供令人滿意嘅食物及服務質素，呢一點正正係令佢哋唔再需要追逐目標，而係成為目標嘅主因。
二星餐廳⭐️⭐️
Côte by Mauro Colagreco, Bangkok ⬆️
有飛躍進步嘅餐廳仲有呢間位於曼谷嘉佩樂酒店（Capella Bangkok）內嘅Fusion料理餐廳，佢哋嘅菜色結合地中海、法國、意大利精華，嚴選時令食材，不時更換菜單，對於如何用時下流行技術去演繹美食有獨特心得，食客可充分感受到佢哋技藝成熟之處！
另外，Côte嘅侍酒師Mr. Thansith Wasinonth 亦獲得米芝蓮侍酒師獎（Sommelier Award），大家都喜愛佢自信中又帶點謙虛嘅態度，推介配酒方式相當專業，有機會到訪嘅話可以睇吓搵唔搵到佢！
雖然今年最耀眼嘅泰國餐廳之星係Sorn，但大家都唔好忘記當年同佢一同摘下米芝蓮二星，今次已係連續第六年獲得呢項榮譽嘅泰國料理餐廳R-Haan啊！想當年佢哋齊齊接受米芝蓮訪問時，R-Hann主廚Mr. Chumpol Jangprai就有講到「泰國料理就係世界嘅料理」，佢一直堅守用泰國農產品去炮製更健康、更滋味嘅泰式藥膳料理，同時並著重擺盤上嘅小細節，單係前菜就仿如裝住琳瑯滿目珠寶嘅首飾箱，小小一盒就蘊藏咗代表泰國各個地區嘅小食！如今佢只稍為落後於Sorn，話唔埋下年就會扳回一城，同Sorn一同處於三星殿堂！
餐廳經理Mrs. Yupa （Ying） Sukkasem 獲得由泰國旅遊局頒發嘅米芝蓮服務獎（Service Award）；因不遺餘力地推動環保、努力實現零浪費而獲得米芝蓮認可其對餐飲業永續發展嘅貢獻，今次初次被認證為米芝蓮綠星！
‧ Gaa, Bangkok
一星餐廳⭐：
《泰國米芝蓮指南2025》收錄咗28間一星餐廳，其中有4間可以用OpenRice網上訂座，亦有4間係初次進入名單中，包括鄰近曼谷嘅暖武里府餐廳AKKEE（下文會介紹）、由新加坡廚師主理嘅AVANT、注入中西元素去泰菜且多採用自家製香料及泰國本地食材嘅GOAT，及以「主廚的餐桌」為理念去制訂多道菜套餐、位於攀牙府嘅Aulis。而Modern泰菜餐廳Coda就由米芝蓮推介轉身變成一星餐廳，米芝蓮評委之所以決定升星係因為佢哋食物表面簡潔實質精緻，味道層次豐富！
AKKEE, Nonthaburi（🆕新上榜）
佢哋利用昏暗嘅用餐環境締造出神秘感，置身於此嘅食客可以更加專注地品嚐美食。而呢間餐廳嘅老闆兼主廚Mr. Sittikorn（Ou） Chantop更係今年米芝蓮青年廚師獎（Young Chef Award）得主，評語話佢擅於大膽運用唔常見嘅食材，以創新手法展現傳統泰國菜嘅美味之處，菜色設計可以睇得出佢對烹飪嘅熱情，亦有超凡卓越嘅技藝，因此選佢為今年青年廚師，期望佢繼續為大家帶來更多更精彩嘅傳統泰國美食。
‧ AVANT, Bangkok（🆕新上榜）
‧ Goat, Bangkok（🆕新上榜）
‧ Aulis, Phang-Nga（🆕新上榜）
‧ Coda, Bangkok（⬆️晉升）
‧ Elements, Inspired by Ciel Bleu, Bangkok
‧ Blue by Alain Ducasse, Bangkok
‧ Chim by Siam Wisdom, Bangkok
綠星餐廳💚
同場加映2025年度新開幕獎✨
於2024年閃耀光芒嘅新星係由只有8個座位嘅日式風格創意Fine Dining餐廳——Ōre嘅主理人兼主廚Mr. Dimitrios Moudios斬獲，佢哋嘅30道創意料理套餐令米芝蓮評審留下深刻印象，特別係當中唔單止出現多種罕見泰國食材包括泰國北碧府Sai Yok Noi瀑布礦泉水，更難能可貴嘅係佢豐富多變嘅烹調技巧，每道菜都有獨特且充滿藝術性嘅韻味。
目前佢哋套餐價格為THB 5,590起，2025年1月1日後會加價至THB 6,590，除咗Wine Pairing之外亦可選Tea Pairing。值得注意嘅係，餐廳註明不會特別為素食或對任何食材有敏感嘅人仕調整100%菜單，而且因為需要精準地出餐，所以建議客人於預約時間前10分鐘到達餐廳，有意去朝聖嘅話就一定要記得喇！