D'ARK by Phillip Di Bella (已結業)

都講過泰國人鍾意飲咖啡，泰國嘅咖啡店真係多到你數都數唔晒。呢間咖啡店係有一個澳洲籍咖啡師兼老闆投資。想點一杯屬於自己口味嘅咖啡？ 你可以首先決定咗你想飲凍定係熱嘅咖啡，然後再選你想飲白定黑咖啡，之後再選擇你想要nutty定係fruity, 然後再選擇不同國家嘅咖啡豆，最後可以根據以上種種在選擇咖啡嘅製作方法。如果你好似我咁有選擇困難症，就可以好似平時咁叫返一杯Americano或者latte都可以啊! 呢間咖啡店另一個賣點，店內嘅菜單係由曾任職米芝蓮餐廳嘅法國主廚Jeriko Van Der Wolf設計! 不過可惜我實在太飽，個肚淨係放得落一杯咖啡。