係曼谷要搵好食嘅自助餐好難！哩間係值得推薦，但地點離市中心（asok)要45分鐘至一小時車程。$1900b 一位，真係試一次就夠，因為地點太遠。如果地點係近市中心bts/mrt 附近係好值得食幾次。 食物是真心不錯的，但份量可以再少啲，先可以試多啲唔同嘅嘢。有好多嘢食影唔切，因為塞車遲咗少少去到。個人覺得必試嘅食物有1.一口和牛壽司 （和牛唔算重牛味，但就好淋，醬汁好味，牛肉多汁，飯勁少，抵讚！少到可以唔洗要個飯都得。）2.黑松露忌廉湯配牛角包 （最驚喜，湯好重黑松露味，牛角包好鬆軟，但個湯真係令人好包肚感，第一個食物係食佢，策略錯曬，搞到自己一開始已經有少少飽肚感，後面嘅食物有啲食唔得多。）3.黑松露汁帶子意粉 （同黑松露忌廉湯個味一樣，意粉勁重黑松露味，帶子大大粒但就冇咩鮮美。）4.煎牛扒，煎羊扒 （煎牛羊扒都好大塊，都好重牛羊味，食得出係貴嘅牛羊扒，食多幾塊係值回票價）5.和牛粒炒飯 （炒飯炒得好香，好有鑊氣，牛有少少脂肪，好重牛味，係愈食愈想食晒，但份量偏多）6.芝士焗龍蝦 （哩個係一開始揀嘅頭盤，只有一碟，龍蝦好彈牙，好爽。但如果冇咗頭盤，buffet價錢降低少少會好啲！）甜品正正常常係一般酒店質素以上，冇邊樣係特別有驚喜。之前睇有$999b 一個人，依架加晒價，地點又唔近市中心，個人覺得食一次就夠。…查看更多
