影片
更多
2025-06-28
好啦，今次同大家share下我喺曼谷嘅一間超有趣嘅泰式餐廳 — คุณแดด ก๋อยงั้นบอน สาชาถนนพระอาทิตย์。呢度真係一間好有特色嘅地方，食物又正又平，成個氛圍都幾鬼馬，好似嚟咗一個泰國版嘅秘密基地咁。我點咗個豬肉香腸沙拉，60泰銖，佢用新鮮豬肉香腸配上啲泰式醬汁，辣到直接等於譚仔三哥大辣，受慣專業食辣訓練嘅我，感覺到明天立刻要迎接火燒後欄，對hk人黎講絕對玩出火，不過去酸味味嗰種酸爽，真係忍唔住一啖接一啖，正所謂明知山有火，偏向火山行！雖然好辣酸爽得來，又保留住豬肉扎肉香味。最特別係佢個沙律有啲酸酸辣辣加埋啲洋蔥，好啱我呢個喜歡刺激味蕾嘅朋友。支水要另外叫，解辣又清涼，真係直接好似火燭車救火咁樣。之後我又試咗佢哋嘅特製越南麵條，80泰銖，仲加咗個蛋，呢個係我今次嘅大亮點！佢嘅麵條好特別煙煙韌韌咁嘅米粉，Q彈有嚼勁，湯底香濃，蛋仲幫佢整得更加滑溜，真係好滿足。整體嚟講，呢個價錢真係超平，啲食物又咁正，唔怕你冇錢買單最怕你辣到頂唔順。埋單150泰銖（約30幾蚊港幣）就搞掂，真係性價比超高。呢間餐廳既鬼馬風格，又有正宗泰國味道，絕對係我喺曼谷旅途中嘅一個小驚喜。下次再嚟，我
我點咗個豬肉香腸沙拉，60泰銖，佢用新鮮豬肉香腸配上啲泰式醬汁，辣到直接等於譚仔三哥大辣，受慣專業食辣訓練嘅我，感覺到明天立刻要迎接火燒後欄，對hk人黎講絕對玩出火，不過去酸味味嗰種酸爽，真係忍唔住一啖接一啖，正所謂明知山有火，偏向火山行！雖然好辣酸爽得來，又保留住豬肉扎肉香味。最特別係佢個沙律有啲酸酸辣辣加埋啲洋蔥，好啱我呢個喜歡刺激味蕾嘅朋友。支水要另外叫，解辣又清涼，真係直接好似火燭車救火咁樣。
之後我又試咗佢哋嘅特製越南麵條，80泰銖，仲加咗個蛋，呢個係我今次嘅大亮點！佢嘅麵條好特別煙煙韌韌咁嘅米粉，Q彈有嚼勁，湯底香濃，蛋仲幫佢整得更加滑溜，真係好滿足。整體嚟講，呢個價錢真係超平，啲食物又咁正，唔怕你冇錢買單最怕你辣到頂唔順。
埋單150泰銖（約30幾蚊港幣）就搞掂，真係性價比超高。呢間餐廳既鬼馬風格，又有正宗泰國味道，絕對係我喺曼谷旅途中嘅一個小驚喜。下次再嚟，我一定要試多啲佢哋其他特色菜，真係值得一試！
張貼
