อินเตอร์

ตอนนี้เปิด

ตอนนี้ปิด

位於曼谷市中心siam嘅地道平價老字號泰菜🇹🇭餐廳地理位置方便，大家係附近行完街都可以去試下。前菜泰式生蝦味道酸酸辣辣，加上蒜蓉海鮮汁非常開胃，蝦肉亦夠新鮮，爽口彈牙，無腥味🦐食泰國菜必點嘅冬陰功大大碗，份量勁足夠，湯裏面亦都好足料，有超過十隻蝦同不同材料。湯嘅味道香濃，唔會過辣死鹹，酸味突出開胃。🤤小食炸單骨雞翼帶少少香茅味，味道就正正常常，唔算好特別。主菜Pad Thai 炒得好有鑊氣，香口又足料，唔會好重甜味，碟旁邊有花生粒，加左口感香氣更豐富。🔥炒通菜加左蒜頭同辣椒🧄🌶️，但食落辣度唔會過高，調味適中。總結餐廳價廉物美，選擇又多，你想食到既泰國菜基本上呢到都有，大人細路都啱食！🍴餐廳地理位置超方便，深受本地人同遊客歡迎，所以一到食飯時間就要排隊，不過通常10-20分鐘左右就有得入。泰式生蝦 ฿138冬陰功 ฿125單骨雞翼 ฿98Pad Thai ฿95炒通菜฿88