在曼谷想吃牛油果好不容易！
即使是素食餐廳都未必有得食，去超市買要廿蚊港紙一個，大概貴香港一倍！好彩我出發前搜尋咗有牛油果cafe，THE HASS BISTRO 餐牌上每個餐點都有牛油果，也有純素選擇，全部都好似好好食！
這間店在Broccoli Revolution後面，行多兩步就到。店內有牛油果餐廳，也有水果店和咖啡店。牛油果專門店當然有牛油果賣，看起來都幾靚仔，但真係賣得幾貴，實在是高貴水果。如果去超市買大概 79 銖一個，行去 BTS 站的路上有間食材店也是 79 銖。
店內設計簡單，悠悠閒閒的盡情吃牛油果，不收加一服務費。
可愛的牛油果造型椅子似乎是店內拍照景點之一。
// Veggie noodle (zucchini and carrot) with pesto sauce 195B
低碳蔬菜絲麵，有青瓜也有紅蘿蔔絲。上面有豆腐、牛油果塊和松子，配菜分量足但有點乾身，然後我覺得個青醬略嫌唔夠味。
// Crunchy avocado with sriracha aioli served with French-fries 240B
炸牛油果肥美肉厚，幾日無食牛油果簡直有久旱逢甘霖之感動。牛油果殼裝沙律醬idea幾好，返屋企要試試。
